拍拖易 DayDay Go Dating

LIVING 生活

【現代紅娘每週大爆料】你啲死人脾氣幾時先肯改？

近年原生家庭對性格影響嘅資訊愈來愈多，相信唔少單對單約會及Speed Dating客人可能都有聽過。唔知大家屋企人相處得愉快嗎？又或你父母成日鬥鬧交，影響到你長大後拍拖情況？無論如何，新一年等我地去舊迎新，改善自己迎接更美好未來！

正研讀心理學嘅HK Romance Dating創辦人Anita同我地分享心理學嘅分析層面。解決問題嘅方式分幾種，第一種係排斥型，有咩都話人係錯，喜歡鬧人；第二係理智型，喜歡引經據典或研究去證明自己正確，忽略所有人情感溝通同需要；第三係委曲求全型，咩都會忍。不過以上嘅方法都唔太好，我地應該追求一致型溝通方式。

你要識體諒，但有妥協之餘都要有自己原則，講出自己合理期望。當中包括關懷同愛，形成一致型溝通方式。或者唔係所有單對單約會及Speed Dating客人都喺一個美滿家庭成長，但你嘅改變係會為帶來正面影響俾下一代架。如果你溝通方式良好，小孩見到父母相親相愛，長大都會變得好。

否則小朋友通常會出現三個問題，第一會內化，覺得父母成日打自己係因為自己唔夠好唔夠聰明；第二會變成對抗型，容易同人嘈；第三係會接受別人對待自己唔好嘅方式，以上三種都唔好。希望大家新一年會搵到幸福，告別單身！

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk / goldenmatching.com