拍拖易 DayDay Go Dating

LIVING 生活

【現代紅娘每週大爆料】分辨對象有否漁翁撒網？

唔少單對單約會及Speed Dating客人可能經驗未夠，會擔心同曖昧對象了解緊時，對方會唔會喺度漁翁撒網。今次等次HK Romance Dating創辦人Anita教教大家點面對情況啦。

其實呢，Anita認為去查核對方係咪漁翁撒網緊根本唔重要，因為如果真係喜歡你，就算現時有幾多個對象都好，最終都會選擇你。因此你唔好阻止對方結交異性，同時間都唔好為咗佢停低，完全終止認識異性。多認識異性，先能夠提升溝通技巧，令你喺異性眼中變有趣。

如果想成為最終贏家，大家記得要提升自己，包括外表言談舉止。衣著方面，男士要展示到膊頭、寬闊胸膛等男性特徵，女士就要顯示曲線美。顏色方面，唔好一味黑白灰，可以試多啲光鮮顏色。無論男女，都要整番個好睇嘅髮型，噴啲香水去吸引人。

內在方面，男士要表現男性魅力，可多教對方唔識嘅事，展現到你才華同專注，又要多表現大方有決策力一面。女士則可表現大方溫柔斯文一面。

各位單對單約會及Speed Dating客人怕成為兵的話，可留意下會唔會一直只係自己單方面付出，係嘅話你就要考慮下個目標。不過大家亦唔好因為怕成為兵而完全唔付出，只係請對方食餐二三百蚊嘅飯其實只係好普通，要抱持大方心態交往，咁大家就會好易拍拖架喇。

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk / goldenmatching.com