炎炎夏日，唔想同愛人喺戶外拍拖通街走，可以考慮下室內地方，有冷氣難之餘，仲有好多打卡位俾情侶「放閃」。

1.    荃灣南豐紗廠

荃灣南豐紗廠喺2018年年底開幕，由工廠搖身一變成為文化藝術新地標，吸引唔少人專程到訪！除咗有多間特色手作精品店、食店、咖啡店進駐外，南豐紗廠既環境同裝修充滿藝術風格，最重要係有好多打卡靚位。紗廠兩邊保存舊有支柱，中間既樓梯更加係唔少人打卡熱點。

2.    中環PMQ元創方

中環荷里活道既PMQ元創方，前身係已婚警察宿舍，之後活化成為本地創作人既集中地。PMQ元創方有超過100幾個本地設計師、藝術家、食肆、Cafe進駐，除了有潮人商店外，呢度仲經常舉行展覽、工作坊，座談會等活動。

3.    山頂廣場：「大富翁夢想世界」主題館

全球首個大富翁主題館進駐太平山山頂廣場！「Ｍonopoly Dreams 大富翁夢想世界」主題館佔地2萬幾呎，充滿大富翁經典元素融合現代化科技，如 AR 擴增實境、全息投影同埋 4D 遊戲技術，令訪客好進入咗大富翁世界。

4.    荔枝角D2 Place

D2 Place以創意文化產業為主題，分兩期發展，入面設有食肆、創意設計小店、精品店等，另外，亦都有超過2萬平方呎既多用途空間同天台花園，俾本土藝術家舉行藝術文青市集，推動本地文化，啱哂文表風情侶去行街街。

#拍拖易  #單對單約會 #單對單 #戀愛輔導 #愛情 #約會  #DATING  #單身 #hkromance #一對一約會 #愛情分享 #拍拖好去處 #室內

文章來源: HKRD GROUP ( goldenmatching.com / hkrd.com.hk / hkrdfashion.com/ daydaygodating.com)