拍拖易 DayDay Go Dating

LIVING 生活

【現代紅娘每週大爆料】收入報細數女友怒斥誠信有問題應否與另一半坦白收入?

最近網上出現一個熱話，有女網友開咗個post，投訴男朋友呃佢，事緣佢表示男朋友同佢講人工只得22k，但後來佢發現男友實際人工係75k，仲有200萬存款添。發現後，佢好嬲，認為男朋友呃咗自己。對於事件，網民意見好兩極化，有人認為男友誠信有問題，但亦有人話女網友偷睇人唔啱，唔知咁多位單對單約會及Speed Dating客人又點睇呢？

對於事件，HK Romance Dating創辦人Anita張惠萍認為男朋友確實有問題，大家唔使諗女仔埋你身一定係因為錢，其實更大原因係性格。男仔可能認為扮窮可以測試真愛，睇下女仔可唔可以同甘共苦，判斷佢係咪好女仔。不過現實係，當你想組織家庭，係好需要好好計劃未來，所以大家一早坦白更好，方便你地預算將來結婚買樓事宜，測試可謂係無謂嘅動作。

有另一班人，可能佢地受屋企影響，認為錢財不可露眼，呢個牽涉到原生家庭影響。不過如果你最初拍拖都唔坦白，他日結婚又會點呢。Anita就會選擇坦白同人講，等佢同先生清楚財產分配，喺公平原則下，一齊為家庭努力。

有部分男單對單約會及Speed Dating客人因為遇過港女，好擔心未來女友都會係咁，令開支變到好大。Anita結婚前揹過一個Longchamp手袋，前男友竟然趁佢唔為意下影低個袋，偷偷send俾細妹。原來佢以前女朋友好好名牌，所以佢想知道Anita係咪都係好追名牌。Anita就認為港女係自己縱出來，你需要用個人魅力扭轉對方。當你兩個消費水平相若，就可以好容易走埋一齊。

拍拖一兩個月後，你又可以開始諗其他活動，例如去下戶外，唔係下下一定要去米芝蓮餐廳，就算係，你都可以幫襯平民米芝蓮架。你可以用平民化水平慢慢調較佢。如果對方持續奄尖聲悶，你應該坦白同對方傾，再調節生活水平。至於如果女仔買樓一定要私樓，就要視乎雙方財政實力喇。希望今集啟發到咁多位單對單約會及Speed Dating客人啦，始終坦白做事容易得多～

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk / goldenmatching.com