拍拖易 DayDay Go Dating

LIVING 生活

好多時單對單約會及Speed Dating嘅客人面對心儀對象都會囉囉攣，想約人又怕俾人拒絕，等HK Romance Dating創辦人Yubi黃嘉如教下大家可以如何邀請心儀對象，有個完美約會啦～

其實大家唔使諗太多，想約人就應直接約，問心儀對象「聖誕可唔可以一齊過」。大家千祈唔好亂搵藉口，話乜嘢到時阿媽唔會煮飯，要不俾人感覺你好似想搵人攝時間咁。

當對方真係答應你時，男士們應該問有咩對方係唔食，繼而搵適合餐廳，唔係問佢想去邊度食，從而顯示雄性領袖魅力。佳節如聖誕節，大家最好都係約食晚飯，等約會感覺濃厚啲。食物方面，初見面大家要避免打邊爐同韓燒，因為焦點好易跌咗去食物度。自助餐都唔係咁好，因為行來行去會阻礙大家交流。

WhatsApp禮儀方面，大家唔好覺得藍剔後對方就要即刻覆自己，你要調整心態。不過若你對人有意思，就唔好隔太耐先覆人喇，最好即日內覆以免人地以為你冇意思。

約會時，女性最好選擇暖色系衣服，化個大方妝容。男士好簡單，乾淨企理已可以。如果你對約會冇信心，好可能係因為你準備唔夠，解決方法係你先上IG同Facebook多了解對方先。各位單對單約會及Speed Dating客人努力喇~

上一篇文章

下一篇文章