拍拖易 DayDay Go Dating

STORIES 故事

相信今次【我的愛情故事】嘅女主角大家都好熟悉，佢就係HK Romance Dating創辦人Anita，今次佢會坦蕩蕩分享自己私人故事，俾大家知道佢同老公嘅生活。

Anita一向玩開嘅男性朋友都係細過佢，但佢識男朋友時，比較偏好年紀比佢大嘅男士，所以最後經朋友推薦下，就參加咗一次Speed Dating，仲好有緣即刻遇上佢老公。因為老公同佢二姐夫好似樣，而佢二姐夫又好好人，所以佢都認為老公人品應該唔錯。

不過，因為佢老公長期喺內地工作，所以最初佢都拒絕同對方開始。當佢拒絕對方後，老公錄咗首《你知道我在等你嗎》俾佢聽，初初佢以為錄音係人地唱，因為都幾好聽。再之後佢認真聽時，先知係佢本人唱，而原因幾搞笑，係因為佢唱甩拍子！不過都因為咁，Anita感覺到老公係真誠嘅人，感動到佢。

拍拖到結婚，Anita老公一直中港兩邊走，佢都話LONG D好辛苦，特別疫情之後，佢地差不多半年先見一次。之但係，老公係處理屋企生意，Anita一直都係欣賞佢孝順有責任感，自然都唔會怨對方。

LONG D咁耐，Anita坦承都有懷疑時刻，特別係結婚前日子。不過一路相處以來，佢發現重要日子對方都係好好安排節目，時間都係留俾自己，又見對方有組織家庭意向，所以都信任老公。

與其埋怨，Anita建議大家做好自己，要有生活寄託，當你有自信價值，就唔驚咁易被人放棄。佢又一直都盡心照顧家庭，所以都對自己好有信心。如果大家都係單身，都應考慮一下參加Speed Dating，話唔定你都係一擊即中識到另一半。

上一篇文章

下一篇文章