拍拖易 DayDay Go Dating

STORIES 故事

【我的愛情故事】李根興靠靚仔樣溝掂老婆？

HKRD全新節目《我的愛情故事》，會邀請唔同名人分享愛情點滴，今次第一集請到商舖投資者李根興博士(Edwin)大講情史，分享佢同太太嘅愛情故事，希望能啟發各位單對單約會及Speed Dating客人。

Edwin指自己對太太一見鍾情，2001年喺一次朋友聚會見到太太，覺得對方樣子唔錯，又有學識品味，家庭背景又好，所以好鍾意對方。不過當時佢仲未定性，成日玩，所以太太對佢興趣唔太大。到後來佢番黎香港創業，意外一次教CPA課程時重遇太太，當時佢近水樓台可以發展感情，太太再見佢時發現佢成熟咗好多，又係對家人好嘅人，所以最後佢地成功拍拖。

Edwin坦言當初太太屋企人認為佢背景同個女差太遠，所以對佢感覺麻麻，但自從結婚日開始，佢承諾會愛太太所愛的，就開始感動到對方同家人，到今時今日，佢地關係好好。佢建議各位單身人士要打開自己嘅心，建立好人品，呢樣比你打扮得漂亮更重要。