拍拖易 DayDay Go Dating

LIVING 生活

【脫單搞得掂】Speed Dating VS 單對單約會?

如果你一直心思思參加Speed Dating同單對單約會，但又成日唔了解兩者分別。又或者參加過Speed Dating，但唔係好清楚佢同單對單約會嘅分別，咁你就要留意影片喇，因為HK Romance Dating幾位配對顧問今次會好詳盡解釋兩者分別，又會話俾你知有咩客人常犯嘅陷阱！

首先講下Speed Dating先，大家會先玩熱身遊戲同享用美食，然後男士會轉位輪流傾偈。兩位配對顧問Winson同Salina話好多參加者都好高質，見過唔少靚仔靚女。另外活動好多元化，有工作坊、烹飪班或大型Party等等，大家可按自己興趣選擇活動。

高級配對顧問Christy表示成日有客人問佢俾幾百蚊就可參加Speed Dating活動，咁點解仲要參加單對單約會呢。對此佢表示呢個好關乎個人性格，如果你比較慢熱，活動對你黎講可能好辛苦。如果要你幾分鐘內熱好身，同唔同人介紹自己，有機會好吃力。單對單約會顧問就會幫你介紹好，對方已經知你背景，你可以安在家中認識異性。

除此之外，某啲客人可能因為工作關係，而選擇單對單約會。佢地可能工作忙，星期六日想休息一下，而唔想花大半日去參加Speed Dating。加上Speed Dating你唔知有咩人會參加，佢地怕花咗幾小時去參加活動，點知最後原來冇個參加者係合眼緣，咁就浪漫時間。

最後好重要一件事係，單對單約會你會得到顧問專業意見，例如揀相，Christy表示好多男仔都好鍾意喺洗手間或健身房自拍，但其實呢樣都幾趕客。平時冇人話佢地知，以致佢地點都識唔到女仔，但如果參加單對單約會佢地就聽到專業意見喇。其他禮儀方面，可能好多人唔識WhatsApp、食飯時好多小動作冇留意等等，顧問都會提醒大家。參加單對單約會後大家可上好多免費增值班，例如化妝班、約會技巧班等等，各位客人可提升自己再增加拍拖機會，比起Speed Dating會多份被照顧。