拍拖易 DayDay Go Dating

LIVING 生活

甚麼女生最難追？

各位單對單約會及Speed Dating男客人，唔知你地心目中最難追嘅女仔係邊種呢？香港交友約會業總會社交力學培訓導師Miracle同HK Romance Dating創辦人Anita張惠萍會分享出唔同例子，再為大家解構下點樣可以溶化呢種女仔嘅心～

Anita諗寸嘅女仔係咪最難追呢？Miracle指寸唔係最難追，寸往往只係保護基制，女仔會覺得容易被得到就唔馨香，只要你打破到幅牆就會好易埋到佢地身。Miracle又指，佢有朋友提佢一定要提文青型女仔好難追，因為佢地好講feel，比較難溝通。舉例過時過節送禮物，文青想你禮物能夠顯示彼此有connection，咁先會感動到佢地，單純貴係唔可以，情況就好似媾緊藝術家咁。不過Miracle認為文青普遍年紀偏輕，所以先較浪漫離地，年紀愈大佢地會愈來愈現實，就唔會咁難追。

另外，成日喺IG post高級美食相，望落好似條件太好嘅女仔，係咪都好難接觸呢？Miracle話呢啲都係假，只係虛幻影像黎架，大部分人都係將美好一面擺出黎，現實中佢地唔係餐餐都食高級美食。當然，大家應該喺能力範圍內物色對象，唔好下下目標指向明星model，越級挑戰就當然難啲啦。

講咗咁耐，Miracle其實認為自我封閉型先係最難媾。留意唔係講宅女，而係想拍拖但又好封閉自己嗰種。戀愛應該係合作關係，一推一拉，如果對方唔投入，拒絕付出係最難走落去。Miracle唔建議花力氣媾佢地，人愈大能夠花嘅資源愈少。

面對慢熱嘅女仔，只要你將彼此溫度提升就可以，當中需要運用說話技巧，又有少少身體接觸。如果你係A0，留意擇偶條件唔應係憑空幻想出黎，應該係實戰後試出黎，唔係幻想媒體塑造嘅類型。Miracle嘅組織Pickup Hong Kong間中會舉辦媾女課程，為期一個月4堂課程，通常令學員1-3個月內搵到伴侶，各位單對單約會及Speed Dating男客人可以留意下。

香港交友約會業總會社交力學培訓導師Miracle
‧ 社交力學培訓導師
‧ PICKUP HONG KONG 創辦人
‧ 香港交友約會業總會御用培訓導師
‧ HK Romance Dating、Golden Matching 御用培訓導師
‧ 更多資料、預約/報名: http://www.hkmdi.com/consultant.php?consultant_id=12

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk / goldenmatching.com