拍拖易 DayDay Go Dating

SEX 性愛

什麼場合可以認識到正經嘅男仔？

今次嘅題目，係香港交友約會業總會社交力學培訓導師Miracle提出架，事源佢有位朋友成日遇人不淑，分析性格各種原因後，佢發現原來原因係朋友成日去錯場合識男仔。

所謂嘅唔正常場合，係指女仔唔使俾錢嘅聚會，有可能係燒烤、船P或飯聚。Miracle指呢種係唔正常社交，男仔以嫖妓心態出席，有種買認識異性機會嘅心態，下下會叫朋友帶靚女黎。佢地會睇低女仔，覺得佢地呃飲呃食，好似係被買番黎。正常男仔去到呢啲場合都變得唔正常，佢地會物化女仔，所以難進入正常關係。

記住玩嘅人都係正常人，如果想同佢地認真發展，就要繞過歡場進入佢地正常生活。興趣班、上堂或做運動都可以，藉以同佢地進行正常健康活動。有啲人會填滿哂時間表，但最後會令自己好疲倦而又識唔到任何人。參加多團體同發唔發揮到功效係兩回事，最緊要睇你有冇同人傾偈，俾人知你存在，否則去得多都冇用。

當然Clubbing以外識到認真對象比率係高啲，啲人都較坦承。Miracle唔鼓勵大家玩交友app，指美國有公司研究只有0.5%人成功喺app識到對象。佢指玩交友app嘅人通常有問題，喺正常途徑下識唔到人，如果識到人都仲玩就更有問題。佢指玩交友app將成件事調轉咗，人變咗唔係睇第一眼印象，而係見到相先約出黎，虛擬形象往往同現實唔同，好易令人失望。

只要場合價值平衡，大家喺咩場合識人都冇所謂架。Speed Dating都係正常場合之一，男女都要俾錢先參加得，若果任何一方唔使俾錢，識嘅人就冇質素。

香港交友約會業總會社交力學培訓導師Miracle
‧ 社交力學培訓導師
‧ PICKUP HONG KONG 創辦人
‧ 香港交友約會業總會御用培訓導師
‧ HK Romance Dating、Golden Matching 御用培訓導師
‧ 更多資料、預約/報名: http://www.hkmdi.com/consultant.php?consultant_id=12

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk / goldenmatching.com