對於大男人,女士們可謂又愛又恨,一方面大家鍾意佢地夠man,另一方面又覺得佢地成日唔聽自己說話。究竟各speed dating及單對單約會女會員,有冇方法征服到大男人呢?
HK Romance Dating創辦人Yubi黃嘉如認為大男人即係好有控制欲嘅男人,佢地絕對唔會俾女朋友同其他異性出街,充滿主導權,好強勢。至於征服,佢認為指拍到拖後,自己可加強存在感,希望對方會聽自己說話多啲。
香港交友約會業總會社交力學培訓導師Miracle表示,面對大男人,大家唔係要做番大女人,反而係俾位佢做領導,記得唔好反過來支配男方,因為男人都享受做領袖角色。Yubi都認同要以退為進,撒嬌的女人最好運呀。Miracle表示男女拍拖,大家最好一凹一凸,角色間中可換轉,女人千萬唔好爭做凸嘅角色。
Miracle指大男人唔等如冇風度,舉個例子,大男人會問你唔鍾意食咩,然後從你唔喜歡嘅食物以外揀餐廳,又會為你分配食物。大男人想得到尊重,你唔好俾佢知你多人追,否則佢有機會打退堂鼓。約會時,你俾佢知你需要時間準備,有自己生活就得。
Miracle認為大男人有好強支配性格,因為佢地想避免麻煩,儘快下到決定。佢地夠決策力,夠man,但要學識識修飾,會微笑有禮。男人記得唔好縱女仔,錫係可以,但要有個框架。
YouTube: https://www.youtube.com/watch?v=SPbEnfFYfzA
了解更多: http://www.hkrd.com.hk/ https://www.facebook.com/HKRDltd/ https://www.instagram.com/hkrdltd/ http://www.goldenmatching.com/ https://www.facebook.com/Golden-Matching-333689960657064/ http://hkmdi.com/ http://www.facebook.com/hkmdifederation/
文章來源: HKRD GROUP ( goldenmatching.com / hkrd.com.hk / hkrdfashion.com/ daydaygodating.com)