今次我地【現代紅娘每週大爆料​​​】同大家分享啲喜出望外嘅成功個案先，聽完大家都好感受到佢地嘅喜悅呀！

第一個個案係我地開業頭5位客人之一，佢係位平面設計公司創辦人，當年佢26歲，因為創業忙，所以選擇參加單對單約會。佢條件真係唔錯，加拿大回流，又有180身高，但當時因為佢實在太忙，搵唔到適合嘅女仔，我地都替佢可惜。到兩年後，佢變得較得閒，就參加我地一個BBQ Speed Dating Party。當時我地安排佢坐一張檯，同檯有位大佢6年嘅女士，但其實當時我地冇心撮合佢地，反而各自安排其他對象俾佢兩位。不過我地發現佢地愈行愈近，最後仲一齊離開。男士之後喺電話同我地講表示知道佢地年齡差距，但佢好開心，覺得對方好cheerful。老實講因為條件差距，我地只抱觀望態度，但佢地拍拖年幾後，好快就結婚有小朋友喇。

第二個個案係位50幾歲男士同位40幾歲女士，好多40幾女士都抱放棄態度，但呢位46歲女士雖然已有兩位小朋友，但時時刻刻都好開心，感覺好似日本有禮貌嘅女仔咁。佢喺我地公司識到位未婚高層男士，呢位男士一直唔易鍾意人，但一見到呢位女士就好鍾意，立刻被溶化喇。

最後分享高學歷高年薪成功個案，女會員係Anita朋友細妹，參加一個Speed Dating活動時27歲，但當時讀緊博士忙，冇同任何男士發展。完成博士課程後，佢準備好再參加我地單對單約會服務。佢係位打扮靚、隨和善良又大方得體嘅女仔，呢樣可以話係配對成功女仔嘅共通點。佢參加單對單約會後，第一位見嘅係一個300幾萬年薪公司高層，好有生活品味的。兩位同樣鍾意學習又係外國回流，一見就好啱傾，之後連續3日約出黎傾偈，好快就拍拖結婚嚕。聽完呢啲成功個案，你係咪都好心動呢？快啲參加我地Speed Dating活動喇～

了解更多:
http://www.hkrd.com.hk/
https://www.facebook.com/HKRDltd/
https://www.instagram.com/hkrdltd/
http://www.goldenmatching.com/
https://www.facebook.com/Golden-Matching-333689960657064/
http://hkmdi.com/
http://www.facebook.com/hkmdifederation/

文章來源: HKRD GROUP ( goldenmatching.com / hkrd.com.hk / hkrdfashion.com/ daydaygodating.com)