拍拖易 DayDay Go Dating

LIVING 生活

【現代紅娘每週大爆料】擇偶時睇錢有冇錯？

每月HK Romance Dating嘅單對單約會會員推介影片都好受歡迎，當然當影片多人睇，自然我地就會收到唔同反應，其中我地收到啲pm，問我地點解咁標榜年薪，唔通個個單對單約會會員都係咁貪錢嘅？

我地真係要為「港女」平反呀，HK Romance Dating好多單對單約會女會員唔係想嫁入豪門，而只係想搵年薪同自己差不多嘅伴侶。反而我地接觸過唔少內地、台灣、南韓同日本女仔，見到好多內地女仔都要往上嫁，台灣、南韓同日本女仔亦都要求男伴職位比自己高。香港女仔普遍只想維持現有生活質素，可能平時佢地都識享受，例如會用千幾蚊整頭，同搵萬幾蚊嘅男仔生活習慣好唔一樣。加上組織家庭需要安全感，所以我地先會交代番會員年薪。

其實男仔都想知女仔年薪架，過百萬年薪男士都想女士同自己有相同步伐。曾經有位單對單約會飛機師會員同位背景普通嘅女仔拍拖，開頭佢地都好sweet，但日子過後，女仔發現飛機師唔食譚仔，又唔會搭地鐵，覺得佢觀點同自己好唔同，所以男仔都唔想女伴條件同自己差太遠，一早知就可避免矛盾。

金錢對婚姻真係好重要，我地要現實生活，穩健經濟條件對一個家庭好重要。不過，如果你有上進心，而家搵得唔多都唔緊要，最重要有計劃。大家都想多份安全感，無論男女都會欣賞對方投入自己工作。