拍拖易 DayDay Go Dating

SEX 性愛

專家評羅志祥(小豬)出軌事件

出軌可以話係對感情最大嘅傷害，究竟出軌分幾多種，點解人類會出軌，發現伴侶出軌我地又應點做呢？今次請黎兩位專家，為各位speed dating及單對單約會客人分析一下。

早前小豬事件令人轟動，原來HK Romance Dating創辦人Anita張惠萍本身好鍾意佢架，因為小豬一直以暖男形象示人，但自從呢件事後，真係令人覺得一次不忠百次不容呀。香港交友約會業總會社交力學培訓導師Miracle表示出軌分兩種，一類係破壞性，佢都唔介意你知，因為想破壞關係；另一種係發洩性，係純滿足性慾，男性天生成世人都會想播種。

如果伴侶出軌我地應點做呢？香港交友約會業總會心理治療師Ada黃沁而表示要睇情況及相處，雙方應坦誠傾點解會出軌，會唔會本身關係已經有問題呢？如果你發現男友偷食，最好直接講出黎，當然係要有證據啦，唔好迫自己變成偵探，有啲女仔會搵電訊公司或銀行職員朋友查男友紀錄，又成日stalk對方社交媒體，呢樣Ada真心唔建議，咁重疑心只會令自己辛苦。

Miracle表示出軌通常唔係單一問題，而係大家相處及溝通上已經存在好大問題。大家都表示，原諒係必須，而當然對方要有誠意先啦，大家想挽救的話，就可避免大家關係相處走下坡。男人比女性更接受唔到，但大部分會偏向冷靜處理。不過如果你有偷食紀錄，Miracle唔建議你無啦啦同伴侶講。佢有位朋友以前同個女仔已到談婚論嫁階段，但因為唔想呃佢，就坦承拍拖期間有過第三者。其實佢都幾蠢，只係想有人分享內疚感，需知道出軌係女人嘅死穴。

各位speed dating及單對單約會客人如果想睇伴侶有冇偷食，可以留意下會唔會成日搵佢搵唔到，同埋佢成日用奇怪藉口失蹤。好多人心態上以為自己控制到，10次後就會鬆懈，呢個時候最易被發現。想知道男朋友有冇第二個，可睇下佢習慣有冇改變。而通常你懷疑佢會越軌嘅密友，反而越唔係，真係有嘢嗰啲通常會收埋。但有時真係好難估，Ada有個女仔朋友，識咗個男人，帶埋佢見家人，點知原來佢已婚。因為佢太太係空姐，可以成日同佢facetime至凌晨。

有啲情況比較特別，其一係患上性上癮，每日都要性行為，又成日想做，即使身心疲累都要繼續。另一類係性沈溺，佢地曾受感情創傷，怕同人連結但又需要連結，最後就選擇用身體同人連結。呢類人通常空虛想被愛，唔相信愛情，有好多性伴侶，又冇固定對象。呢啲通常同經歷有關，可以話係身不由己，後期需要唔同類型性交，情況近似吸毒。

香港交友約會業總會心理治療師Ada黃沁而
‧ 心理治療師
‧ 心理學學士學位、輔導心理學碩士學位
‧ 香港大學持續進修學院兼職講師
‧ 更多資料、預約/報名: http://www.hkmdi.com/consultant.php?consultant_id=11

香港交友約會業總會社交力學培訓導師Miracle
‧ 社交力學培訓導師
‧ PICKUP HONG KONG 創辦人
‧ 香港交友約會業總會御用培訓導師
‧ HK Romance Dating、Golden Matching 御用培訓導師
‧ 更多資料、預約/報名: http://www.hkmdi.com/consultant.php?consultant_id=12

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk / goldenmatching.com