上回現代紅娘、HK Romance Dating創辦人Anita張惠萍話咗俾大家知女仔鍾意邊類型男仔，今次係時候話俾大家知男仔鍾意邊類型女仔喇～

第一，就係身形健康喇，唔係話要波濤洶湧嗰種，而係好似我地HK Romance Dating裡面最fit嘅配對顧問Christy咁，體態健康。唔好以為佢身形係天生呀，其實佢每日都抽一小時練腹肌、提腿等，先有今日身形，仲有拍片教我地客人添，大家得閒都可睇下。好多女仔都想變成好瘦，但男仔其實唔太鍾意，覺得會好冇氣息，咁當然都唔好太肥啦，最緊要健康。

第二，佢地鍾意外表大方。林志玲、李嘉欣等雖然係公認嘅靚女，但咁惹火嘅女神型，佢地覺得太遙不可及，真係揀伴侶時都唔會要求咁高。咁邊類型最受歡迎？Da da......就係Anita呢類型喇！男仔通常都鍾意親切型女仔，有好好笑容。曾經我地一位單對單約會女客人紅粉菲菲又白白淨，係大方親切樣，佢就非常受歡迎喇。女仔只要有少少打扮，有自信又笑得開心就可以架喇。

第三，男仔鍾意溫柔體貼型，好多好有性格嘅女仔一聽到就覺得好反感，認為係要佢地扮溫柔。不過試想一下，正如女仔鍾意男仔夠man，男士都會覺得女性美同溫柔係賣點。可能佢地遇過野蠻女友，十幾歲時大家未成熟，佢地好易有公主病，令男士之後會追求隨和好人型。佢地希望有咩問題伴侶會識體諒大家，令到家庭和睦。其實女仔有時都想男仔溫柔體貼，所以大家唔好再咁抗拒呢個詞語。

最後，就係鍾意女仔有禮貌喇。佢地會希望女仔識欣賞對方心思，當對方揀完餐廳、安排好約會後，女仔記得要讚美佢地。女仔有時都可以買小禮物，都要付出，感情先會更理想。總之，各位女仔記得要散發女性魅力，咁就會好受男士歡迎喇～

了解更多:
http://www.hkrd.com.hk/
https://www.facebook.com/HKRDltd/
https://www.instagram.com/hkrdltd/
http://www.goldenmatching.com/
https://www.facebook.com/Golden-Matching-333689960657064/
http://hkmdi.com/
http://www.facebook.com/hkmdifederation/

文章來源: HKRD GROUP ( goldenmatching.com / hkrd.com.hk / hkrdfashion.com/ daydaygodating.com)