拍拖易 DayDay Go Dating

LIVING 生活

追女仔係咪要每日whatsapp傾計？

唔少Speed Dating客人問我地，同曖昧對象應唔應該每日WhatsApp呢？今次香港交友約會業總會社交力學培訓導師Miracle同HK Romance Dating創辦人Yubi黃嘉如齊齊討論呢個話題，等大家可以戰無不勝！

好多人覺得每日WhatsApp可令感情升溫，但Miracle話，其實咁係相反會令溫度下降。WhatsApp冇語氣，容易意外令人嬲咗，而且如果每日WhatsApp，時間拖太長，會令大家感覺少咗。始終面談先係皇度，連同視覺、嗅覺及感覺係最好嘅溝通。

每日WhatsApp又會急速消耗話題，令大家容易出到黎冇計傾。除非你對生活敏感，有好多野分享就可能例外，但因為大部分人都唔係咁，所以都唔建議大家每日WhatsApp。真實見面時好考急才，有啲人WhatsApp好勁，但真正見面時原來好悶。但就算你真人funny，我地都唔建議你太多WhatsApp。

某啲Speed Dating客人工種可能話係護士，同人地有時差，未必出到黎見面，就話可能都係要透過WhatsApp同人聯繫。不過Miracle話現實生活夾唔到就夾唔到，大家唔好追求得不到嘅類型，如果見都見唔到都幾難落去，真心想見就會約到。另外大家要留意共同付出，如果下下只係單機你就要留意呢個係IOD。

大家記住未拍拖時都唔使考慮安全感嘅事，就算日日WhatsApp一句起兩句止就夠，而且唔好拖太耐，3-6星期就夠。另外各位要有自己texting pattern，等對方知你有自己生活，唔好下下秒回。你可以食晏等位時覆下人，冇責任成日交代，而且咁可令你吸引力變強，因對方會幻想你唔會約緊其他人呢。

WhatsApp時大家多用正面Emoji，唔好成日send震驚同疑慮樣，因為咁會顯我你好蠢架，千萬唔好尷用公仔，呢件係好turn down嘅事。男仔最好唔好太多Emoji，因為感覺好女仔。另外原來新一代覺得句號好冇禮貌，大家都可以避免下。話時話錄音仲衰，好浪費對方時間，如果話video call更加可免則免。呢個好消耗興趣，不能比擬真實見面，dating時真心唔建議。

有Speed Dating客人狐疑約會對象WhatsApp好冷淡，但逢約必出，大家都唔使諗太多，可能只係純粹對方唔喜歡WhatsApp。真實約會係投資，大家需花時間打扮，而WhatsApp冇付出，冇付出感情就容易走的了。

到要約人見面，單對單約會客人唔使驚點約，因我地顧問會幫大家手。如果喺交友app識，大家都可以直接講，因呢個係明買明賣平台。如果喺朋友聚會認識，大家最好喺現場先邀約後拎電話，綑綁咗對方先。

真正見面時，各Speed Dating客人可以由近至遠，先討論餐廳食物，再講其他事。好多人人生只有工作，但最好大家唔好只講呢個話題，因工作傾向負面，最好多講生活事。如果你生活悶，應該令自己多采多姿啲，培養自己興趣同多留意時事，令自己更吸引。

香港交友約會業總會社交力學培訓導師Miracle
‧ 社交力學培訓導師
‧ PICKUP HONG KONG 創辦人
‧ 香港交友約會業總會御用培訓導師
‧ HK Romance Dating、Golden Matching 御用培訓導師
‧ 更多資料、預約/報名: http://www.hkmdi.com/consultant.php?consultant_id=12

HK Romance Dating創辦人Yubi 黃嘉如
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk / goldenmatching.com