雖然拍拖係開心事，但有啲人真係執到都喊三聲，我地都會勸你遇著佢地寧願單身好過！今次HK Romance Dating創辦人Anita同香港交友約會業總會社交力學培訓導師Miracle同大家分析下有咩人你要避之則吉！ 早排Miracle send咗張相俾Anita，相中見到一個男仔拎住玫瑰跪向女仔，事後Anita同朋友討論，發現原來有位有女性朋友都做過類似嘅事，或者佢係恃靚行兇啦。Miracle認為咁做雙方都有問題，但要求人跪者，好唔尊重對方，呢個行為係污點，對方做錯咩都唔應該咁要求。 為免不快事發生，大家拍拖前要先揀好伴侶，首先其中一個大忌，就係對方同家人關係唔好。冇錯，可能有啲人性格脾氣好，但生於一個唔好嘅家庭，但如果佢同你講都好可能係搏同情，分享家人嘅不是始終唔太好。Miracle認為，如果一個女仔同家人關係好，係件好turn on嘅事來的。 有部分女仔以為搵同家人關係唔好嘅男仔係好事，因為對方只會陪住你，但其實呢種人絕對唔係筍盤黎架。佢地冇父母作模仿對象，缺乏愛同安全感，好可能要你填補佢呢一忽。想搵孤兒嘅女性都有問題，因為結婚係兩個家庭結合，唔係冇咗奶奶就係好事。Anita表示，曾經有位女士作單對單約會咨詢，當佢知道一位男客人喪母後好開心，因為見佢太刻薄，最後我地都冇收佢做會員。 另外一種要避免嘅人，就係躁底，大家唔好幻想可用愛改變佢，而要先諗如果佢唔會改自己接唔接受到。通常對方話會改，都只係廢話，戀愛多巴胺一過咗，佢地就就會打回原形架喇。 仲有一隻手打唔響，如果一個人成日數前度，第日都有機會數你。大家應該感謝對方教過你嘅嘢，如果只係賴人，自己實在太不負責任，所以我地都叫各位唔好喺Speed Dating場合上講呢個話題。另外如果一個人喜歡操縱你，成日要脅分手，又或成日要check電話同威脅禁錮你嘅人都唔應該揀。最後雖然現實啲，但如果男性太窮，資源真係應付唔到生活，始終兩人一齊多咗好多活動，各位Speed Dating客人，都要努力上進啊！ 影片: https://www.youtube.com/watch?v=j48CedGUVOM 香港交友約會業總會社交力學培訓導師Miracle ‧ 社交力學培訓導師 ‧ PICKUP HONG KONG 創辦人 ‧ 香港交友約會業總會御用培訓導師 ‧ HK Romance Dating、Golden Matching 御用培訓導師 ‧ 更多資料、預約/報名: http://www.hkmdi.com/consultant.php?consultant_id=12 HK Romance Dating創辦人Anita張惠萍 ‧ HK Romance Dating、Golden Matching 創辦人 ‧「香港交友約會業總會」創會主席 ‧ 政府與國際認可之宴會統籌及司儀 (雙證書) ‧ 兩性關係、個人提升節目主持及作者 ‧ 更多資料，預約/報名: www.hkrd.com.hk  / goldenmatching.com

文章來源: HKRD GROUP ( goldenmatching.com / hkrd.com.hk / hkrdfashion.com/ daydaygodating.com)