拍拖易 DayDay Go Dating

LIVING 生活

【現代紅娘每週大爆料】女友死都不肯結婚怎算好?

HKRD唔少單對單約會同Speed dating客人，都係因為對前度迫婚不成，最後同對方散咗。大家唔好以為迫婚係女人專利，其實都有好多時候情況係倒轉。假設你都係想結婚嘅男士，而女朋友唔想結婚你可以點做呢？睇下HK Romance Dating創辦人Anita點教你啦～

曾經有一位Speed dating男客人，佢係同前度一齊做Trainee時認識，女方事業好有野心，出咗社會後都成日同其他男士約會。雖然男客人都願意等，但最後女仔都俾另一個條件較好嘅男士追走咗。其實好多後生靚女，一出社會工作就好吃香，喺戀愛市場好易俾人追走。好多時其他男士同上司都會藉機幫助佢，如果女仔抵擋唔到誘惑，就好容易俾人追走咗。所以各位男士要不斷進步，對女朋友要真誠之餘，亦要有上進心，加埋你地本身嘅感情基礎，最後都好大機會你地可以開花結果。

同大家分享一個成功個案，男仔係Anita大學同學，畢業後做過記者，之後又做過財經界同開餐廳。佢女朋友以前係讀另一大學，佢地喺聯校活動認識。本身女仔畢業後都係投身新聞界，但因為佢好喜歡讀書，最後去咗英國留學，之後又去working holiday。雖然女仔成日飛，但男方都好鼓勵佢，女方一直都好感激男方俾自由自己，最後佢地都結婚生仔。各位千祈唔好控制人，要鼓勵伴侶追夢，始終女性都有生育年齡限制，如果你自己都keep住進步，最後都會同你一齊嘅。

之但係各位都要設時限俾自己，曾經有位Speed dating男客人好鍾意位港姐級女士，由廿幾歲等到佢50幾歲。因為女士都知自己靚，個心唔定，成日想同其他男士發展。而男客人唔算好有吸引力，唔係好浪漫嗰種，佢地成日都離離合合，就算試過到談婚論嫁階段都分開。但男客人一直都願意等，到50幾歲都冇第二個女朋友，真係浪費咗自己好多時間。

各位男士，如果你想同女朋友結婚，記得要保持資源，因為女人都唔想捱苦。另外大家要記得關懷對方，保持浪漫嘅心，感情大忌係缺乏溝通。之不過大家留意雙方都要付出，如果女仔有公主病，成日發脾氣，你娶咗佢都冇好結果，各位要分清楚想要同現實。

影片: https://www.youtube.com/watch?v=nDcjpl-wT-0