部分朋友仔可能有個疑慮，就係怕參加Speed Dating後同對象好難有後續發展，因為大家冇共同過往經歷，又冇common friends，好似好難再繼續展開話題咁。HK Romance Dating創辦人Anita有見及此，就介紹幾招俾大家，其實佢同佢老公都係喺Speed Dating中認識架！

如果大家係喺Speed Dating後第一次同對方再見面，可以慢慢為大家製造共同美好回憶，首先你地可以傾番Speed Dating當日情況，講下感受。如果你唔係第一次參加，可以分享下你今次同以前參加嘅比較，其實咁樣都無傷大雅嘅，只要你唔好是非當人情，而係分享正面樂觀訊息，都係唔錯嘅事。

記得每次見面為大家製造更多共同回憶，理應當日Speed Dating你已經知道對方興趣，再見面當日你地可以討論番相關話題，假設對方鍾意睇展覽，你可以介紹下最近有咩相關展覽。有啲參加者覺得約對方睇戲未必咁好，其實都唔係嘅，只要你揀啱戲種就可以，例如好似《歲月神偷》咁感動嘅戲種，俾對方見到你真情流露都係件好事。另外睇開心戲嘅話，可能睇完後你地會耳語討論，愈靠愈近，除咗飲嘢，都真係冇乜其他活動可以拉近到大家距離。

另一個貼士就係，你揀餐廳記得要有心機，每次都試下對方口味，務求製造更多共同美好回憶。另外要留意節日，俾對方見到你有心思，知道你對佢同其他人唔同。事關有人可能怕你同Speed Dating其他參加者同時多線發展，如果你俾對方見到你專一認真，每星期同對方約一次，可以令佢安心好多嘅。你得閒又可以影張相俾對方睇，當然前提係對方有回應，你感到大家互相都有好感啦。有時某啲參加者可能工作太忙，即使對對方有意思，但都一兩個月先約人一次，搞到關係最後無疾而終。

到咗一定程度，你可以適度俾對方進入你圈子中，首先交換大家IG，俾對方見到你人生轉變。參加Speed Dating要大方啲，唔好諗人地會起你底，因為大家都係有心先參加活動，你願意交心先可以同對方繼續了解。
到某個位，例如就拍拖或已拍拖可以約雙方朋友一齊玩，製造共同回憶之餘，可以令對方覺得被受尊重。曾經有一個36歲Speed Dating女參加者，同位大十年男參加者開始慢慢了解，由於男士打扮老成，而女仔係好fashionable嘅，初初女方都唔係太大興趣。不過因為男方好坦承，非常歡迎對方進入自己圈子中，好快帶女方見家長，而佢媽媽又好人，成日煮好食物又送小禮物俾女方，所以令女士好感動。加上男仔所有朋友都係咁nice，女士覺得實在太溫暖，最後佢地唔使半年就結婚喇。不過大家最好都每次打扮有心思，要整齊、fashionable同醒目，食飯同打波等場合配上唔同衣著，情況會更理想。

https://www.youtube.com/watch?v=9nL-JB3pVGM 

#單對單約會 #單對單 #單對單服務 #戀愛輔導 #愛情 #約會 #SPEEDDATING #DATING #HKRD #goldenmatching #matching #單身 #hkromance #一對一約會 #交友 #交友app #愛情分享 #經營愛情 #戀愛 #HKRomanceDating #幸福 #拍拖 #新婚 #分享 #錯誤 #藉口 #溝通 #香港婚活 #結婚 #搵男朋友 #搵女朋友 #表白 #進修 #愛情來了 #SpeedDating #dating #交友約會 #約會技巧 #hkmdi #香港交友約會業總會

了解更多:
http://www.hkrd.com.hk/
https://www.facebook.com/HKRDltd/
https://www.instagram.com/hkrdltd/

http://www.goldenmatching.com/
https://www.facebook.com/Golden-Matching-333689960657064/

http://hkmdi.com/

http://www.facebook.com/hkmdifederation/

文章來源: HKRD GROUP ( goldenmatching.com / hkrd.com.hk / hkrdfashion.com/ daydaygodating.com)