拍拖易 DayDay Go Dating

STORIES 故事

阿嬌離婚的原因

幾個月前鍾欣潼（阿嬌）閃電離婚，惹起咗全城關注。透過佢嘅經歷，大家可以學習啲咩呢？今日請來兩位專家，為大家分析一下。

阿嬌前夫表示，阿嬌曾經同佢講，發現自己係一個唔適合婚姻嘅人。香港交友約會業總會社交力學培訓導師Miracle表示，確實有一班人面對婚姻時會感到猶豫，而呢個情況通常發生係男士身上多啲。以佢自己為例，雖然佢都嚮往結婚，但係都會擔心背後嘅責任，例如要背負老人家期望等等。

阿嬌當時拍咗拖半年就結婚，究竟閃婚係咪好危險呢？香港交友約會業總會心理治療師Ada黃沁而認為閃婚挑戰比較大，如果你拍拖兩三年先結婚，中間有磨合期同觀察期，但如果拍咗拖兩個月就結婚，突然一齊生活可能有好多衝突，所以建議大家唔好咁衝動。

有指阿嬌以為結婚後，會慢慢了解前夫，繼而愛上佢。Miracle聽到即刻笑，話原來阿嬌天真唔係扮出嚟㗎喎，有啲魯莽。雖然有傳聞話，阿嬌係因為忘記唔到前度而離婚，但大家都唔認同。HK Romance Dating創辦人Anita話，時間可以沖淡一切，各位Speed dating同單對單約會客人唔好成日懷疑伴侶係因為忘記唔到前度而離開你，如果你夠好，根本就冇人想離開。

有啲人好容易分手，究竟係唔係因為佢哋性格太悲觀呢？Ada表示唔關事，容易分手只係取決於你嘅依賴程度，有啲人一感受唔到愛就會即刻失蹤，但樂觀嘅人通常一般傾向尋找解決方法。最後大家齊齊表示，閃婚嘅人通常都會閃離，因為呢類人通常較衝動，亦唔太介意嘗試各種事情。

香港交友約會業總會心理治療師Ada黃沁而
‧ 心理治療師
‧ 心理學學士學位、輔導心理學碩士學位
‧ 香港大學持續進修學院兼職講師
‧ 更多資料、預約/報名: http://www.hkmdi.com/consultant.php?consultant_id=11

香港交友約會業總會社交力學培訓導師Miracle
‧ 社交力學培訓導師
‧ PICKUP HONG KONG 創辦人
‧ 香港交友約會業總會御用培訓導師
‧ HK Romance Dating、Golden Matching 御用培訓導師
‧ 更多資料、預約/報名: http://www.hkmdi.com/consultant.php?consultant_id=12

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk / goldenmatching.com

~~~~~~~~~~~~~~~~~~~~~~~~~~~~~~~~~~~~~~~~~~

#單對單約會 #單對單 #單對單服務 #戀愛輔導 #愛情 #約會 #SPEEDDATING #DATING #HKRD #goldenmatching #matching #單身 #hkromance #一對一約會 #交友 #交友app #愛情分享 #經營愛情 #戀愛 #HKRomanceDating #幸福 #拍拖 #新婚 #分享 #錯誤 #藉口 #溝通 #香港婚活 #結婚 #搵男朋友 #搵女朋友 #表白 #進修 #愛情來了 #SpeedDating #dating #交友約會 #約會技巧 #hkmdi #香港交友約會業總會