馬國明被劈腿仍幫黃心穎講好說話，當時人人都讚有風度。誓估唔到，謝東閔的風度遠遠超越馬國明。 一眾粉絲都鄧佢心痛，勸佢揮刀斬情絲，但佢選擇原諒，維護女朋友一時迷失，而且歸咎於自己太忙而疏忽另一半。

細數之前眾多被劈腿的男星，例如庾澄慶、吳奇隆、王寶強等等，都是選擇離婚，更遑論公開表示要支持另一半經歷難關。謝東閔呢種風度，古今中外極為罕見。

謝東閔2010年參加《超級巨星2》入行，加入TVB後反而多被派演劇集，一心想當歌手的他不未能一展抱負，拍劇戲份亦唔多，但他沒有表示失落，他曾在訪問講過，演戲令他得著很多：「唱歌是以歌聲及台風去表達歌曲的故事，而拍劇就以肢體語言及對白去表達故事，兩者是有點相似，令你唱歌時懂得運用感情。」


(TVB截圖)
 

內歛嘅謝東閔直言性格文靜令佢喺娛樂圈工作蝕底，捱過十個年頭，佢簽約星夢娛樂成為旗下歌手，推出多首單曲，主唱電視劇主題曲，而且喺《丫鬟大聯盟》擔任第二男主角。漸漸捱出頭嘅佢繼續保持謙虛，並將一切歸功於幫助過佢嘅前輩。「作為新人，若果有班前輩幫忙係一件幸福的事，否則你會好吃力，甚至好迷失。」


《丫鬟大聯盟》劇照

外間常說謝東閔係富家子，爸爸開髮型屋、媽媽開外傭介紹所，佢就話自己絕對唔係非有錢仔，只係屋企不算窮，有車揸返工，有啖飯食，覺得自己很幸運有家人支持，不過都不會太花費，因為不想太依靠家人。

朱智賢同謝東閔相戀，唔少人話朱智賢其實係放棄開餐廳嘅男友，移戀謝東閔，朱智賢亦因而被冠上拜金女嘅罪名，謝東閔立即為女方平反，「佢絕對唔係拜金女，以我所知佢自給自足，不鍾意靠人，亦唔係重視物質嘅人」。

在困難面前放棄的人很多，但選擇勇敢面對的又有多少? 希望謝東閔會被好好珍惜。



出處及參考: https://topick.hket.com/